Gimmies bo in die Eikestad en Drostdy draf Oakdale kaf

Written by Hannes Nienaber

NewsGEGJAnsen School of Rugby | Gimmies bo in die Eikestad en Drostdy draf Oakdale kaf - School of RugbyPaul Roos Gimnasium se leerlinge het al gereed gemaak om die Jolla Bolla te doen, toe Paarl Gimnasium se haker, Chris Rossouw, hul harte met ‘n drie met speeltyd reeds verstreke gebreek het.

Rossouw, die seun van die voormalige Bok-haker met dieselfde naam, het vanaf ‘n rolmaalbeweging drie minute na speeltyd reeds verstreke was oor die doellyn vir sy tweede drie om aan sy span die naelskraapste van seges van 20-19 oor Paul Roos te besorg.

Paul Roos het laas in 2014 daarin geslaag om Paarl Gimnasium te verslaan.

Nog ’n span wat vanmore met ’n swarigheid op die gemoed sou opstaan is die Hoërskool Stellenberg. Stellenberg het ’n droom eerste helfte op Piley Rees teen Bishops beleef. Die besoekers het met die omdraaislag ‘n stewige voorsprong van 28-3 opgebou net om op die ou einde met 28-29 die knie te buig.

SACS het sy onoorwonne status behou deur Boland Landbou met 22-18 te troef. Die span van die Agter-Paarl sal nie tevrede met die nederlaag wees nie. Die span het baie belofte in sy eerste paar wedstryde getoon, maar in sy vorige wedstryd ook teen Garsfontein vasgeval. Boland Landbou sal sy sokkies moet optrek vir sy volgende kragmeting teen Grey-kollege tydens die Wildeklawer-toernooi.

Die Hoër Jongenskool Paarl het sy onoorwonne status in Suid-Afrika na 40 wedstryde gerek na hy die Kwaggas van Outeniqua met 47-16 verslaan het. Die span se kaptein en flank, Francke Horn, het ’n driekuns aan drieë gedruk.

HTS Drostdy se Donkies het hulle skitterende vertonings sover die seisoen voortgesit deur Oakdale Landbou sy eerste nederlaag van die seisoen toe te dien. Die Donkies was met 24-13 baas. Die wenspan se losskakel, Jasper Cohen, het met drie strafdoele teen rustyd seker gemaak dat sy span ‘n voorsprong van 9-3 geniet.

Die Brandwag van Uitenhage het self ‘n indrukwekkende sege behaal toe hulle net buite Cradock vir Marlow Landbou met 22-20 verslaan het. Alle spanne wat al besoek aan die Wolramme se tuiste afgelê het, sal aan jou vertel dat jy nie sommer met ‘n sege van Cradock af weg ry nie.

Monument van Krugersdorp sal sy titel as kampioen van die Tuks-reeks teen EG Jansen van Boksburg op 6 Mei verdedig. Monnas het gister op Menlopark se hoofveld vir Garsfontein oortuigend met 45-21 die loef afgesteek.
Monnas se kaptein en agtsteman, PJ Jacobs, was uitstekend en het sy span se fisieke aanslag van voor gelei. Agterlangs het die losskakel, Jonathan Viljoen, met sy kanonpoot ook vir Garsies skade berokken.

Die Jansies was nog meer in ‘n vernietigende bui deur die Hoërskool Nelspruit se Rhinos ’n rugbyles van 69-26 te leer. Die span van Boksburg het tot dusver nie ‘n goeie seisoen beleef nie, maar na die vertoning sal die span se teenstanders vir die res van die jaar hom nie ligtelik opneem nie. Nelspruit het in die tweede helfte wel beter vertoon.

Grey-kollege het Vrydag vir Louis Botha met 61-7 kaf gedraf. Voortrekker van Bethlehem en Welkom Gimnasium het hulle aanslag in die Griffon-liga met klinkende seges onderskeidelik oor HTS Welkom (69-3) en HTS Sasolburg (72-5) afgeskop. Witteberg het Hentie Cilliers met 38-22 in ‘n opwindende wedstryd verslaan, terwyl die Afrikaanse Hoërskool Kroonstad vir Goudveld met 48-21 geklop het.

Al die uitslae: 

Tuks-reeks: Monument 45, Garsfontein 21; EG Jansen 69, Nelspruit 26; Menlopark 46, HTS Middelburg 37; Eldoraigne 41, Kempton Park 23; Rustenburg 56, Pietersburg 12; Transvalia 50, Florida 3.

Limpopo: Wonderboom 19, Frikkie Meyer 18; Centurion 27, Ben Vorster 22; Merensky 19, Rob Ferreira 15; Hans Strijdom 46, Louis Trichardt 3; Curro Heuwelkruin 39, Warmbad 24; Stanford Lake College 29, Eric Louw 7; Ben Viljoen 50, Ellisras 6; Tom Naudé 48, Frans du Toit 24; Piet Potgieter 60, Nylstroom 0.

Vrystaat: Grey-kollege 61, Louis Botha 7; Jim Fouché 27, Fichardtpark 17; Cherries 55, Sentraal 0; Voortrekker 69, HTS Welkom 3; Witteberg 38, Hentie Cilliers 22; Welkom Gimnasium 72, HTS Sasolburg 5; AHS Kroonstad 48, Gouveld-Hoërskool 21; Brandfort 53, President Steyn 19; Sand du Plessis 39, Hoërskool Bloemfontein 15; Reddersburg 55, Zastron 7; Vrede 66, Ladybrand 5; Bultfontein 68, Harmony High 7; Hoopstad 82, Sandveld 0; Ficksburg 34, Paul Erasmus (Senekal) 14.

Wes-Kaap: Paarl Gimnasium 20, Paul Roos Gimnasium 19; SACS 22, Boland Landbou 15; Bishops 29, Stellenberg 28; Hoër Jongenskool Paarl 47, Outeniqua 16; HTS Drostdy 24, Oakdale Landbou 13; Rondebosch Boys’ High 34, Wynberg Boys’ High 13; Durbanville 39, Monumentpark 17; Swartland 15, Worcester Gimnasium 10; Bellville-Suid 59, President 28; Brackenfell 71, Hottentots-Holland 7; DF Malan 18, Parel Vallei 11.

Oos-Kaap/KwaZulu-Natal: Brandwag (Uitenhage) 22, Marlow Landbou 20; Kearsney College 13, Hilton College 10; Glenwood 38, Westville Boys’ High 12; Queen’s College 25, Dale College 24; Durban High School 29, Michaelhouse 17; St. Charles College 47, Voortrekker (Pietermaritzburg) 16; Maritzburg College 36, Pretoria Boys’ High 24; Jeppe High School for Boys’ 41, Northwood 14.

Pukke Prestige: Hugenote (Springs) 56, Randburg 3; Montana 50, Oosterlig 0.

Noordvaal: Secunda 23, Hoërskool Alberton 15; King Edward VII 28, Waterkloof 25; Schweizer-Reneke 32, HTS Potchefstroom 15; Standerton 42, Brits 10; Hoogenhout 33, Hans Moore 10; Linden 15, Dr. Malan 9; President 17, Elspark 12; Bastion 44, Riebeeckrand 19; Hartbeespoort 26, Benoni High 7; Brandwag (Benoni) 43, John Vorster (Nigel) 7Evander 22, Patriot 19; Uplands College 26, Barberton 7; Akasia 29, Eden Glen 0; Ligbron 54, Dinamika 5; Vryburg 28, Pretoria-Noord 7; Piet Retief 52, Overvaal 15.

X

Function disabled

Right click disabled - please refresh page to continue.